Жиззахшылар Мойнаққа 12 тонна азықлық автокәрўан жиберди
Исбилерменлер ҳәрекети – Өзбекстан Либерал-демократиялық партиясы Жиззах ўәлаяты кеңеси, Экология ҳәм қоршаған орталықты қорғаў басқармасы басламасы менен Мойнақ районы Аралбойы аймағында исленип атырған жумысларда мийнет етип атырған көмекшилер ушын автокәрўан шөлкемлестирилди.
Автокәрўанда гөш, мийўе, өсимлик майы, картошка, гүриш, пияз, гешир ҳәм таза ишимлик суўы жәми 12 тонна азық аўқат өнимлери топланған.
Бул азық-аўқат өнимлерин мәнзилине жеткериў ушын жолға шыққан белсендилер қатарында мәденият хызметкерлери де бар болып, олар да көмекшилер ушын мәдений бағдарламалар таярлап қайырлы иске өз үлеслерин қосыў нийетинде, деп хабарлайды ЎзА.