Жаслар ушын «Келажак бунёдкори» медалы енгизилди
Өзбекистан Республикасы Сенатының нәўбеттеги улыўма жыйналысында сенаторлар Өзбекистан Республикасы Президенти тәрепинен жойбары Өзбекистан Республикасы Олий Мажлиси Нызамшылық палатасына киритилген «Келажак бунёдкори» медалын енгизиў ҳаққындағы Өзбекистан Республикасы нызамын көрип шықты. Бул ҳаққында asr.uz
хабар бермекте. Нызам менен «Келажак бунёдкори» медалының классификациясы ҳәм «Келажак бунёдкори» медалы ҳаққындағы Нызам тастыйықланды.
Бул Нызам «Келажак бунёдкори» медалы менен халық мәплери жолында садықлық пенен хызмет етип атырған, жоқары ўатан сүўйиўшилик, пидайылық ҳәм мийнетсүйгишлик пәзийлетлерин көрсетип киятырған, Ўатанымыздың халық аралық майдандағы абырай-итибарын ҳәм атағын жоқарылатыўға мүнәсип үлес қосып киятырған, жәмийетимиз социаллық-сиясий турмысында белсендилиги ҳәм басламашылығы менен теңлеслерине өрнек болып атырған, оқыўда ҳәм мийнет искерлигинде үлкен жетискенликлерге ерискен 14 жасқа толған ҳәм 30 жастан аспаған шахслардың Өзбекистан Республикасы Президенти тәрепинен сыйлықланыўы тәртибин белгилеп береди.
