Ҳажыға барыў тәртиби өзгерди
Министрлер Кабинетиниң 2017-жыл 28-декабрьдеги 1031-санлы қарары менен «Ҳажы» ҳәм «Умра» илажларын шөлкемлестириў ҳәм өткериў тәртиби ҳаққындағы нызамға өзгерислер киритилди. Бул ҳаққында kun.uz
хабар бермекте.
Киритилген өзгерислерге муўапық, Ҳажыға бармақшы болған пуқара алдын «Ҳажы»ға бармаған болыўы керек (алдынғы талап соңғы 5 жыл даўамында «Ҳажы»ға бармаған болыўы керек еди). Буннан тысқары, мәҳәллелерде Ҳажыға барыўға талабанларды сайлап алыў ушын исши топар дүзиледи.Ҳажыға барыўға нәўбетке қойылған талабанлар дизими тийисли аймақтағы мешит ҳәм өзин басқарыў органларының имаратларында дағазаланады ҳәм 15 күн даўамында олар бойынша жәмәәтшилик пикири үйрениледи.
Исши топарлар талабанлар бойынша жәмәәтшилик пикири ҳәм қарсылықларын 5 күн мүддетте тексериўи керек болады.
