«Водители Нукуса» топары пенсионер ҳаялға газ тәмийнаты пулын төлеўге жәрдем берди
Бул ҳаққында daryo.uz хабар берди. Атап өтилиўинше, Нөкис қаласында жалғыз жасаўшы кексе ҳаялдың газ тәмийнатынан қарызы болған. Ол өз пенсиясынан 600 мың сўм қарызын төлеген. Бирақ газ жанбаған. Мәжбүрий орынлаў бюросы тәрепинен тармақтан үзип қойылған газ трубасын қайта жалғаў ушын ең кем айлық ис ҳақысының еки есеси муғдарында (405 500 сўм) төлем төлениўи талап етилген.
Нөкисли шоферлар кексе ҳаялдың жалғыз жасаўы ҳәм кем тәмийинленгенлигин есапқа алып, оған жәрдем бериўге қарар еткен. Олар пул жыйнап бергеннен соң, пенсионердиң үйинде газ жанған.
