Шымбайлы жас спортшылардың табыслары
13-16-декабрь күнлери аралығында Самарқанд ўәлаятында 2000-2001 ҳәм 2002-2003-жыллары туўылған жас өспиримлер ҳәм қызлар арасында спорттың Самбо гүреси түри бойынша Өзбекстан кубоги ушын жарыс болып өтти. Оған Өзбекстанның барлық ўәлаятларынан 700 ге жақын спортшылар қатнасты.
Бул өткерилген жарыста Шымбай районы Балалар-өспиримлер спорт мектебинен Қарақалпақстан Республикасы сайланды қурамы ағзалары Гүлсимай Бегдуллаева 1-орын, Айнура Қуўанышбаева ҳәм Улбосын Шамуратовалар 2-орын, Шахноза Сагидуллаева 3-орынды ийелеп қайтты.
Жеңипазлар шөлкемлестириўшилер тәрепинен диплом ҳәм қымбат баҳалы саўғалар менен сыйлықланды.
Спортшыларды тәжирийбели тренер-оқытыўшылар Махсуд Пирниязов, Ахмет Сметуллаев ҳәм Баймурат Уббиевлар таярлады.
Е.Серимбетов,
Шымбай районы Балалар-өспиримлер
спорт мектебиниң директорының орынбасары
Дерек: Шымбай район ҳәкимлиги
