Шымбайда Рейимбай Сапаровқа арналған музей ашылды
Уллы инсанлардың мийнетлерин мәңгилестириў, оларды ядқа алыў, сондай-ақ, Ўатанымыздың жасларын руўхый әдеп-икрамлылық жақтан тәрбиялаўға үлесин қосқан инсанлардың исмин еске алыў мақсетинде 9-май «Еслеў ҳәм қәдирлеў» күни алдынан Өзбекстан ҳәм Қарақалпақстан халық билимлендириў ағласы, Қарақалпақстан Республикасына мийнети сиңген устаз Рейимбай Сапаровтың туўылғанына 100 жыл толыў мүнәсибети менен оның атына қойылған 43-санлы улыўма билим бериў мектебинде музей шөлкемлестирилди. Онда тийкарынан устаздың 36,37,38-санлы мектеплерде, сондай-ақ 2-санлы мектеп интернатында ислеген дәўириндеги мийнет жолы ҳәм шаңарағы, устазлар династиясы атамасында шығарылған сүўретлери менен бир қатарда ол ҳаққында жәрияланған қунлы публицистикалық мақалалар орын алған. Бул ҳаққында район ҳәкимлиги хабар бермекте.
