Shomanayda “Jaslar party” ótkerildi
Derek: jaslarawqami.uz
14-avgust kúni SHomanay rayonlıq balalar dem alıw baǵında Shomanay rayonı hákimiyatı, Jaslar awqamı hám «Jaslar-TV» telekanalı menen birgelikte “Jaslar party” akciyası bolıp ótti.
Akciyada 2000 nan aslam rayon jasları belsendilik kórsetti.
Bul akciyanı ótkeriwden tiykarǵı maqset, Prezidentimiz tárepinen alǵa súrilgen áhmiyetli 5 baslamanıń birinshi baslaması – jaslardı muzıka, súretlew óneri, ádebiyat, teatr hám kórkem-ónerdiń basqa túrlerine qızıǵıwshılıǵın asırıwǵa baǵdarlanǵan bolıp, bir-birinen shox hám zawıqlı qosıq namalar, oyınlar, shoular bárshe jaslarǵa quwanısh baǵıshladı. Biz ele de jaslardıń bos waqıtların mazmunlı ótkeriwleri ushın jańa joybarlar, ilajlar ámelge asıramız, deydi Jaslar awqamı Shomanay rayonlıq Keńesi bas qánigesi Íqlas Muxiyatdinov.
