Shımbaylı samboshı Gúlsimaydıń oqıw kontrakti ushın aqsha ajıratıldı
Derek: jaslarawqami.uz
Usı jıldıń 11-13 oktyabr kúnleri Tashkent qalasında jas óspirimler arasında sporttıń sambo túrinen jáhán shempionatı ótkerildi. Shemipionatta 42 mámleketten sportshi jaslar qatnasıp, teńlesleri arasında Shımbay rayonı «Mayjap» awılınan Begdullaeva Gulsimayda múnásip qatnastı.
Gúlsimay 44 kg salmaqta Qazaqstan, Rossiya, Ukraina sıyaqlı mámleketlerden kelgen sportshılardı jeńip sıylı úshinshi orındı iyeledi. Gúlsimaydı treneri Maxsud Pirniyazov tayarladı.
Gúlsimaydı jetiskenligi menen qutlıqlaw maqsetinde ózi tálim alǵan 16-sanlı mektepte ushırasıw ótkerildi. Jas sportshı házir Qaraqalpaq mámleketlik universitetinde «Dene-tárbiya» fakultetiniń 1-basqısh studenti. Jetiskenligi menen maqtanısh etken rayon hákimi Polat Eshanov Gúlsimayǵa 10 800 000 (bir million segiz júz mıń) swm aqshalay sıylıqtı joqarı oqıw orınındaǵı tólemli shártnaması ushın ajıratıp berdi.
