«Reńlerde sáwlelengen ómir» kórgizbesi ótkerildi
Derek: zaman.uz
Қарақалпақстан Республикасы И.В.Савицкий атындағы көркем өнер музейинде Өзбекстан көркем өнер Академиясының академиги, Бердақ атындағы Республикалық сыйлығының лауреаты, Өзбекстан халық художниги Жоллыбай Изентаевтың «Реңлерде сәўлеленген өмир» атлы жеке көргизбеси шөлкемлестирилди. Бул көргизбеде музей коллекциясындағы художниктиң 1970-1990 жыллардағы дөретпелери ҳәм үй жыйнағынан кейинги жылларда жаратылған ҳәр қыйлы жанрлық картиналар ҳәм өзиниң жақын инсанларының портретлери, пейзажлық жумысларында үлкен қалалар ҳәм көшелер, ҳәўлилер көриниси, натютмортлары қойылған. Ж.Изентаев көп жыллар даўамында Өзбекстан көркем-өнер Академиясының Қарақалпақстан бөлиминиң баслығы болып иследи. Дөретиўшилик жумыслары менен бир қатарда мәмлекетлик жумысларды да алып барды.