QMUda stunentler turar jayı paydalanıwǵa tapsırıldı
Derek: karsu.uz
Усы жылдың 3-февраль күни Бердақ атындағы Қарақалпақ мәмлекетлик университетиниң 6-санлы студентлер турар жайының салтанатлы ашылыў мәресими болып өтти.
Өзбекстан Республикасы Жоқары ҳәм орта арнаўлы билимлендириў министрлигиниң 2019-жыл 6-июлдеги 599-санлы буйрығы тийкарында ҚМУ Академиялық лицейиниң пайдаланылмай бос турған ҳәм оңлаўға мүтәж болған 100 орынлы жатақхана имараты университет балансына өткерилди. Жатақхана имаратына капитал-оңлаў жумысларын алып барыў ушын университеттиң бюджеттен тысқары қаржылары есабынан 2 125 696 350 сўм ажыратылды ҳәм “NUKUS SUV INSHOTLARINI TAMIRLASH” жуўапкершилиги шекленген жәмийети тәрепинен оңлаў жумыслары әмелге асырылды.
