Qaraqalpaqstan medicina institutı shólkemlestirildi
Derek: @huqiqiymalimleme
«Қарақалпақстан медицина институтын шөлкемлестириў ҳаққында» Президент қарары қабыл етилди. Қарарға муўапық, Аралбойы аймағы ушын медицина тараўында жоқары маманлыққа ийе кадрлар таярлаў системасын жәнеде раўажландырыў мақсетинде төмендегилер шөлкемлестирилди:
Ташкент педиатрия медицина институтының Нөкис филиалы негизинде Қарақалпақстан медицина институты;
Қарақалпақстан медицина институты клиникасы. Үзликсиз медициналық-кәсиплик тәлим системасында жоқары тәжирийбели медицина кадрларын таярлаў, қайта таярлаў ҳәм маманлығын асырыў институт искерлигиниң тийкарғы бағдарларының бири саналады. Институтқа қабыллаў ҳәр жылы белгиленетуғын Өзбекстанның Жокарғы оқыў орынларына оқыўға қабыл етиўдиң мәмлекетлик буйыртпасы параметрлери шеңберинде әмелге асырылады. Институт клиникасы шөлкеми институт есапланады ҳәмде оның искерлиги институт тәрепинен муўапықластырылады.