Qaraózekte bazar janındaǵı kópir paydalanıwǵa tapsırıldı
Derek: Qaraózek xabarları
Қараөзек районы “Ғәрезсизлик гүзары” мәкән пуқаралар жыйыны аймағынан өтиўши мелиоратор коллекторының ПК 105+06 да жайласқан ишки хожалық көпириниң қурылыс жумыслары жуўмағына жетти. “Келешек строй монтаж” жуўапкершилиги шекленген жәмийети тәрепинен исленген жумысқа сметалық баҳасы 260,0 млн. сўмлық қаржы ажыратылды. Қурылыс 2019-жыл 27-июн күнинен басланып, 2019-жылдың 21-июль күни өз жуўмағына жетти. Усы күни қурылыс обьектиниң ашылыў мәресими болып өтти. Ашылыў салтанаты барысында көпирдиң қурылыс жумысларында белсенди қатнасқан қурылысшыларға район ҳәкимлиги тәрепинен миннетдаршылықлар билдирилип, баҳалы саўғалар тапсырылды.