Пуқаралар жыйыны баслығының нәўбеттеги сайлаўы 2019-жыл май айында өткериледи
“Пуқаралар жыйыны баслығы (ақсақалы) сайлаўы жетилистирилиўи мүнәсибети менен Өзбекстан Республикасының айырым нызам ҳүжжетлерине өзгерис киргизиў ҳаққында”ғы Нызамға Президент қол қойды. Нызам менен пуқаралар жыйыны баслығының (ақсақалының) нәўбеттеги сайлаўы 2019-жыл май айында өткерилиўи белгиленди.
Усы мүнәсибет пенен, пуқаралар жыйынлары әмелдеги баслықларының (ақсақалларының) ҳәм олар мәсләҳәтшилериниң ўәкилликлери мүддети 2019-жыл май айында пуқаралар жыйынларының жаңа баслықлары (ақсақаллары) сайланғанға шекем создырылды.
Нызам рәсмий жәрияланған күннен баслап күшке кирди. Бул ҳаққында Әдиллик министрлиги
хабар берди.
