Президент АҚШқа барады
Өбекстан Президенти Шавкат Мирзиёев АҚШ Президенти Дональд Трамптың мирәтине муўапық 2018-жыл 15-17-май күнлери биринши рәсмий сапар менен АҚШда болады. Бул ҳаққында Президент баспасөз хызмети
хабар берди.
Жоқары дәрежедеги сөйлесиўлерде Өзбекстан-АҚШ шерикшилигиниң жағдайы ҳәм оны раўажландырыў келешегин сөйлесиў, халық аралық ҳәм аймақлық әҳмийетке ийе мәселелер бойынша пикир алмасыў режелестирилген.
Вашингтонда Өзбекстан Президенти, сондай-ақ, АҚШ Конгресси, Қорғаныў министрлиги ҳәм Мәмлекет департаменти Жәҳан банкинде еки тәреплеме ушырасыўлар өткериледи.
Рәсмий сапар жуўмағында еки мәмлекет Президентлери «Өзбекстан ҳәм Америка Қурама Штатлары: стратегиялық шерикшилик жаңа дәўириниң басланыўы» деп аталған Қоспа баянатты тастыйықлаўы, түрли тараўларда өз-ара қатнасықларды еле де беккемлеўге қаратылған ҳүжжетлер топламының қабылланыўы күтилмекте.
