Pensiya haqqında tolıq maǵlıwmat alıw múmkin
Derek: karinform.uz
Пенсия ҳаққындағы толық мағлыўмат бериўши интерактив мәмлекетлик хызмети жаратылды. Жойбар басқарыўы милий агентлиги жанындағы Электрон ҳүкимет ҳәм санлы экономика жойбарларын басқарыў орайы, Бирден-бир интегратор UZINFOCOM ҳәм Өзбекстан Финанс министрлиги жанындағы бюджеттен тысқары Пенсия фонды тәрепинен пенсия ҳаққында толық мағлыўмат бериўши жаңа интерактив мәмлекетлик хызмети жаратылды, деп хабар берди агентлик.
Бирден-бир интерактив мәмлекет хызметлери порталы арқалы онлайн түрде пенсияның муғдары, тайынланған сәнеси, төлеў мүддети, иш стажы даўамлылығы, таңланған мүддет бойынша төлемлер муғдары, сондай-ақ, есапланған ҳәм есапланбаған ис стажы ҳаққындағы мағлыўматларды билип алыўға болады. Барлық мағлыўматларды ҳеш қандай ҳүжжетсиз көриўге болады. Бул хызмет түри Бирден-бир интерактив мәмлекет хызметлери порталының «Социаллық тәмийнат» бөлиминде келтирилген.
