Өзбекстанда балалар ҳәм жаслар ҳуқықларын қорғаў бойынша омбудсман пайда болады
Өзбекстанда балалар ҳәм жаслар ҳуқықларын қорғаўшы омбудсман лаўазымын енгизиў режелестирилмекте. Бул ҳаққында Инсан ҳуқықлары миллий орайы директоры Акмал Саидов хабар берди.
- Президент Шавкат Мирзиёевтиң 2018-жыл 5-майдағы пәрманы менен Инсан ҳуқықлары улыўма жәҳан декларациясы қабылланғанының 70 жыллығына арналған илажлар бағдарламасы тастыйықланған. Усылай етип, күн тәртибине балалар ҳәм жаслардың ҳуқықларын қорғаў бойынша омбудсман институтын шөлкемлестириў мәселеси киритилди, - дейди Акмал Саидов.
Бағдарламада бул системаны жетилистириў ҳәм инсан ҳуқықлары және еркинликлери мәселелери бойынша искерлик нәтийжелигин арттырыў бойынша бир қатар илажлар нәзерде тутылған.
