Өзбекстан Тәжикстанға газ жеткерип бериўди баслады
Өзбекстан Тәжикстанға газ жеткерип бериўди баслады. Бул ҳаққында «Газета.uz»
хабар бермекте. Газ «Музрабод-Душанбе» магистраль газ өткизгишиниң еки тармағы арқалы жеткерип берилмекте. Оның өткериў имканияты саатына 125 мың кубометрди қурайды. Бул менен Тәжикстанның Турсунзода районының мүтәжи толық қапланады (ол жерде Тәжик алюмин компаниясы — ТАЛКО жайласқан).
Тәжикстанға тәбийий газ экспорты бойынша келисим Өзбекстан Президенти Шавкат Мирзиёевтиң қоңсы мәмлекетке усы жыл март айында әмелге асырған сапары даўамында тастыйықланған. Шәртнамада 2018-жылы улыўма суммасы 15,1 миллион доллар болған 126 миллион кубометр газ жеткерип берилиўи нәзерде тутылған.