Өзбекистанда автомобильлерге газ қуйыў шахабшаларын қурыў қадаған етилди
Өзбекистан ҳүкимети жергиликли ҳәкимиятларға 2017-жыл 1-декабрьден баслап автомобильлерге жаңадан газ қуйыў шахабшаларын қурыў ушын жер ажыратыўды қадаған етти. Бул Министрлер Кабинетиниң 11-октябрьдеги
қарарында белгилеп қойылған.
Соның менен бирге, бар автомобильлерге газ қуйыў шахабшаларын автомобильлерге газ толтырыў компрессор станцияларына басқышпа-басқыш өзгертиў режелестирилген. Жанылғы қуйыў шахабшаларын өзгертиўдиң толық режеси усы жыл декабрь айының орталарына шекем ислеп шығылады.
«Ўзбекнефтегаз» Қубла Кореяның NK Group компаниясы менен биргеликте үскенелерди сатып алыўды жеңиллестириў ҳәм қәрежетлерди кемейтиў мақсетинде, стационар ҳәм қоспа автомобильлерге газ толтырыў компрессор станцияларыналар қурыў ушын үскенелер, аўысық бөлеклерди ислеп шығарыў, сондай-ақ оларға сервис хызметин көрсетиў бойынша қоспа кәрхана шөлкемлестиреди.
