Өзбекистан ҳәм Туркия ортасында 20 дан артық ҳүжжет имзаланды
25-октябрь күни Анкарада Шавкат Мирзиёев ҳәм Режеп Таййип Эрдўғон ҳәм еки мәмлекеттиң рәсмий делегациялары қатнасыўында сөйлесиўлер болып өтти, деп
хабар берди Өзбекистан басшысының рәсмий сайты. Сөйлесиўлер жуўмағында Өзбекистан ҳәм Туркия ортасында бирге ислесиўдиң түрли тараўларына байланыслы 20 дан артық ҳүжжет имзаланды. Президент Шавкат Мирзиёев ҳәм Президент Режеп Таййип Эрдўғон мәмлекет басшыларының Қоспа баянаты имзаланды. Сондай-ақ саўда, санаат, банк-финанс, инвестиция, туризм, жүк тасыў, ден саўлықты сақлаў, кадрлар таярлаў, қорғаныў ҳәм басқа тараўлардағы бирге ислесиўди раўажландырыўға байланыслы бир қатар ҳүжжетлер қабылланды. Шавкат Мирзиёевтың Туркияға сапары даўам етпекте.
