Нызамсыз деп табылған диний мазмундағы файлларды тарқатқан пуқара жуўапкершиликке тартылды
Ишки ислер уйымы хызметкерлериниң алып барып атырған профилактикалық илажларының биринде 1983-жылы Беруний районында туўылған, Нөкис қаласы, А.Садиков көшесинде жасаўшы пуқараға тийисли «H7A238» маркалы қол телефоны ҳәм флешкарта ядында диний мазмундағы видео ҳәм аудио материаллар барлығы анықланып, бул буйымлары тийисли тәртипте айғақлы зат ретинде рәсмийлестирип алынған. Өзбекстан Республикасы Министрлер Кабинети жанындағы Дин ислери бойынша комитети экспертиниң берген мағлыўматларына тийкарланып, айғақлы зат ретинде рәсмийлестирип алынған телефон ядындағы диний мазмундағы материалларды алып кириў, сақлаў, тарқатыў қадаған екенлиги анықланған.
Телефондағы дәлиллер ушын пукараға суд қарары менен жәрийма жазасы қолланылды. Бул ҳаққында «Еркин Қарақалпақстан» газетасы хабар берди.