Нөкис Мәмлекетлик Педагогика институты студенти Россияда өткерилген халықаралық таңлаўда гран-при жеңимпазы болды
Усы жылдың 10-12-февраль күнлери аралығында Россия Федерациясының Екатеринбург қаласында өткерилген «Краски народов мира в проектах берега надежды» таңлаўына фольклор жөнелиси менен қатнасқан жерлесимиз Муҳаммед Төребеков гран-при жеңимпазы болды. Муҳаммед таңлаўда қарақалпақ аламойнақ дуўтары менен «Саятхан-Ҳамра» дәстанын атқарып шықты.
Муҳаммед усы табысы менен 26-март ҳәм 4-апрель күнлери Қырымда өткерилетуғын «Париж, я люблю тебя» («Мен сени сүйемен, Париж») атамасындағы 27-халықаралық балалар ҳәм жас өспиримлер таңлаўының супер финал басқышына қатнасыў ушын жолламаны да қолға киргизди. Бул ҳаққында Қарақалпақстан хабар агентлиги мәлим етти.