«Нөкис-ФМ» радиосы Өзбекистан ҳәм Қарақалпақстан халық шайыры Ибрайим Юсуповтың туўылған күнин белгилемекте
«Нөкис-ФМ» радиосы Өзбекистан қәҳарманы, Өзбекистан ҳәм Қарақалпақстан халық шайыры Ибрайим Юсуповтың 5-май туўылған күнин «Ашық Аяз»
атлы музыкалы-әдебий радиомарафоны арқалы белгилемекте.
Радиомарафон саат 8:00 ден 13:00 ге дейин, кешки саат 17:00 ден 19:00 ге дейин даўам етеди.
Азанғы эфирде Қарақалпақстанға хызмет көрсеткен артист, устаз қосықшы Дәлибай Мәмбетмуратов, Қарақалпақстан Республикасына мийнети сиңген көркем өнер ғайраткери, «Әтиргүл» сыйлығы лауреаты, шайыр, журналист Алтынгүл Өтениязова, Бердақ атындағы Қарақалпақ мәмлекетлик университети профессор Бахтияр Абдикамаловлар мийманда болды.
«Ашық Аяз» атлы музыкалы-әдебий радиомарафонының мийманлары Өзбекистан ҳәм Қарақалпрақстан Республикаларына мийнети сиңген көркем-өнер ғайраткери, Бердақ атындағы Қарақалпақ мәмлекетлик сыйлық лауреаты, композитор Қурбанбай Заретдинов; шайыр, тарийхшы Бердақ атындағы музей директоры Шәригүл Файзуллаева ҳәм Ибрайим Юсуповтың қызы Айжамал Юсуповалар болады.
Күн даўамында эфир арқалы шайыр дөретиўшилиги, өмири, шығармалары елимизге белгили инсанлар тәрепинен кең жарытылады.
Бул эфир арқалы радио жәмәәти қарақалпақ әдебиятының қос байтерегиниң бири болған Ибрайим Юсупов дөретиўшилигин жаслар арасында кең үгит нәсиятлаў, заманласларының еске түсириўлери арқалы оның ядын мәңгилестириўди мақсет еткен.
Л. Қаллыханова
