Moynaqta diyxanshılıq ushın jańa jerler ashılmaqta
Derek: New Muynak City
Ѳзбекстан Республикасы Президенти басламасы менен Мойнақ районын экономикалық - социаллық раӯажландырыӯ бойынша бир қатар жумыслар әмелге асырылмақта. Усындай жумыслар қатарында районда аӯыл хожалығы тараӯын раӯажландырыӯ, халықтыӊ овощ ҳәм палыз ѳнимлерине, мийӯелерге болған талабын қанаатландырыӯ мақсетинде бурын пайдаланылған, лекин ҳәзирги ӯақытта айланыстан шыққан жерлерди ҳәм оларға суӯ жеткеретуғын канал, жап-салмаларды тазалаӯ, қайта ислеӯ иләжлары әмелге асырылмақта.
Районныӊ «Бозатаӯ» АПЖ, Қыпшақдарья аӯылында Ѳзбекстан Республикасы Айрықша жағдайлар министрлиги, районныӊ 300 ден артық жәмлеспеген жаслары ҳәм активлери 200 гектар майданды егиске таярлаӯ жумысларын баслап жиберди. Бул жерде жаслар бағы ҳәм теплица шѳлкемлестирилиӯи режелестирилмекте.
