Ministrler Keńesi baslıǵı Ámiwdáryada kóshpeli qabıllaw ótkerdi
Derek:karakalpakstan.uz
Әмиўдәрья районы Ойшын мәденият орайында көшпели қабыллаў өткерилди. Онда Қарақалпақстан Республикасы Министрлер кеңеси баслығы, 1-сектор баслығы Қаҳрамон Сариев, район ҳәкими Султанбай Юлдашев, райондағы секторлар баслықлары, мәкеме, кәрхана ҳәм шөлкемлер баслықлары, кең жәмийетшилик ўәкиллери қатнасты. Ойшын аўылында өткерилген қабыллаўда пуқаралардың арызлары тыңланды. Өз шешимин күтип турған мәселелерди шешиўге әмелий көмек берилди. Айырым социаллық әҳмийетке ие машқалалар жуўаплы шөлкем басшыларының жәрдеминде шешимин тапты.
Мүрәжаттың айырымлары аўыл аймағындағы орынларды оңлаў, транспорт инфраструктурасын жақсылаў, электр энергиясы тәмийнатын жақсылаў, жергиликли ҳәм ишки хожалық жолларын оңлаў, балаларды мектепке шекемги билимлендириў менен қамтып алыў дәрежесин жақсылаў сыяқлы мәселелер болды.
