Миграция ҳәм пуқаралықты рәсмийлестириў басқармасының жаңа имараты тапсырылды
Бул бағдарда Миграция ҳәм пуқаралықты рәсмийлестириў басқармасының хызметкерлери тәрепинен де бир қатар унамлы жумыслар алып барылмақта. Бүгинги күнге республикамыз бойынша 1 миллион 221 мың 957 пуқараға биометриялық паспорт тапсырылды.
Жаңа имараттың пайдаланыўға тапсырылыўы пуқаралар ушын бир қанша қолайлықлар жаратады. Себеби, Миграция ҳәм пуқаралықты рәсмийлестириў басқармасының, Нөкис қалалық Ишки ислер уйымларының жумысларын муўапықластырыў басқармасының Миграция ҳәм пуқаралықты рәсмийлестириў бөлиминиң, министрликтиң Мәкан жай-мағлыўмат орайының бир имаратта жайласыўы бул жерге келиўшилердиң ўақытларын үнемлеп, жумыслардың бир жерден питиўине жәрдем береди. «Арнаўлы қурылыс-5» жуўапкершилиги шекленген жәмийетиниң қурылысшылары тәрепинен имаратта 435 миллион сумлық капитал оңлаў жумыслары алып барылды.
Илаж қатнасыўшылары жаңа имаратта хызметкерлерге жаратылған шараятлар менен танысты.
Д.АБИБУЛЛАЕВ,
Қарақалпақстан хабар агентлигиниң хабаршысы
