Koryo universitetiniń professor-muǵallimleri Nókiste boldı
Derek: kknews.uz
Усы жылдың 12-июль күни Қубла Корея Республикасының Корё университетиниң профессор-оқытыўшылары ҳәм студент-жаслары Ташкент Педиатрия медицина институты Нөкис филиалында болды. Филиалдың мәжилислер залында «Қоршаған орталықты қорғаў ҳәм сақлаў» атамасындағы халықаралық конференция болып өтти.
Конференцияның тийкарғы мақсети – Республикамыздағы бар экологиялық машқалаларды үйрениў ҳәм оларды сапластырыў жолларын излеў. Сондай-ақ, бирге ислесиўди буннан былай да жетилистириўден ибарат.
Конференцияда ҳәр қандай экологиялық машқаланы, соның ишинде, Арал машқаласын да сапластырыў мүмкин екенлиги, бул ушын ҳәмме биргеликте ҳәрекет етиў керек екенлиги айрықша атап өтилди. Конференция жуўмағында студент-жаслар өзлерин қызықтырған сораўларына жуўап алды.
