Korrupciyaǵa qarsı gúresiwge arnalǵan ushırasıw ótkerildi
Derek: karsu.uz
ҚМУдың Санаат технологиясы факультети студент жаслары арасында ҳуқықбузарлықлар профилактикасы ҳәм коррупцияға қарсы гүресиў бойынша ушырасыў өткерилди.
Онда Қарақалпақстан Республикасы Ишки ислер министрлиги қәнигелери ҳәм студент-жаслар қатнасты.
Бүгинги күнде жаслар арасында жүз берип атырған жынаятлар тийкарынан жумыссызлық, ишиўшилик ҳәм материаллық жетиспеўшилик ақыбетинде жынаятлар келип шығып атырғаны сөз етилди. Жынаятлардың келип шығыў себеплери ҳәм олардың аўыр ақыбетлери ҳаққында турмыслық мысаллар менен студентлерге кең түрде түсиниклер берип өтти.
Сондай-ақ, бүгинги күнниң баслы машқаласы болған коррупция, бул иллет мәмлекет раўажланыўына тосқынлық қылыўшы, раўажланыўға кери тәсир етиўши иллет екенлиги ҳаққында айтып өтилди.