Корпоратив банк карталарынан мәмлекетлик бажыларын ҳәм жыйымларын төлеў имкәнияты жаратылды
Юридикалық шахслар тәрепинен миллий валютадағы корпоратив банк карталарынан пайдаланыў тәртиби ҳаққындағы режеге тийисли өзгерислер Өзбекстан Республикасы Әдиллик министрлигинде дизимнен өткерилди (дизим номери 1470-2, 03.04.2018-жыл).
Өзгерислерге муўапық, енди юридикалық шахслар миллий валютадағы корпоратив банк карталарынан пайдаланған ҳалда тек ғана өзлериниң искерлик жүритиўи менен байланыслы болған қәрежетлерди емес, ал мәмлекетлик бажлары ҳәм жыйымларын төлеўди де әмелге асырыўы мүмкин. Бул ҳаққында Әдиллик министрлиги хабар бермекте.