Қарақалпақстан Республикасының Конституциясының қабыл етилгенлигине 25 жыл
Шымбай районлық Мәденият ҳәм халықтың дем алыў орайында Қарақалпақстан Республикасының Конституциясының қабыл етилгенлигиниң 25 жыллығына бағышланып салтанатлы кеше болып өтти, деп
хабар береди район ҳәкимлиги.
Кешеде район ҳәкими П.Ещанов ҳәм басқалар шығып сөйлеп, байрам салтанаты менен жыйналғанларды қызғын қутлықлады. Сондай-ақ, кешеде район ҳәкими мәденият тараўында ҳәм елимизди қорғаўда хызмет еткен ҳуқық-қорғаў уйымы хызметкерлерин «Ҳүрмет жарлық» ҳәм баҳалы саўғалары менен сыйлықлады. Соңынан Мәденият хызметкерлериниң концерт бағдарламасы қойып берилди. Бундай байрам илажлары Қоңырат ҳәм Елликқала районларында да өткерилди.