Қарақалпақстан Республикасы Әдиллик министри тайынланды
Әдиллик министрлиги системасында соңғы ўақытларда жүз берген тайынлаўлар ҳаққында министрликтиң баспасөз хызмети хабар берди, деп
жазады Қарақалпақстан хабар агентлиги.
Салауатдин Худайбергенов – 2018-жыл 15-октябрьден баслап Қарақалпақстан Республикасы Әдиллик министри лаўазымына тайынланған. Салауатдин Худайбергенов 2012-2015-жыллары Қарақалпақстан Республикасы Әдиллик министри лаўазымында, 2015-жылдан лаўазымға тайынланғанға шекем Олий Мажлис Нызамшылық палатасы депутаты лаўазымында ислеп келген.
2018-жыл 23-октябрьден Қарақалпақстан Республикасы Әдиллик министриниң орынбасары лаўазымына Улуғбек Машарипович Машарипов тайынланды.