Қанлыкөлде паспорт-виза қағыйдалары қадағалаўда
Өзбекстан ҳәм Қарақалпақстан Республикасы Ишки ислер министрлиги тәрепинен тастыйықланған ис-режеси тийкарында, паспорт-виза қағыйдаларының сақлаўын тәмийинлеў бойынша бир қатар илажлар әмелге асырылмақта, деп
хабар бермекте Қанлыкөл район ҳәкимлиги. Қанлыкөл районы аймағында улыўма 263 шаңарақта жасаўшы 1 мың 52 пуқараның паспорт-виза қағыйдаларын сақлаў жағдайы тексерилди. Бунда, 10 паспорт-виза қағыйдаларын бузыўшылар анықланып, нызам талаплары бойынша 1 миллион 464 мың 40 сўм муғдарында жәрийма салынды. 2013-2018-жыллар аралығында, бүгинги күнге шекем район ҳәкимлиги менен биргеликте район аймағында жасаўшы 30 мың 659 пуқараға тастыйықланған кесте тийкарында, Өзбекстан Республикасы биометрик паспортлары тапсырылды.