Қанлыкөлде кем тәмийинленген шаңарақларға мийўе нәллери тарқатылмақта
Қанлыкөл районы аймағындағы аўыл пуқаралар жыйынында жасаўшы 1086 кем тәмийинленген шаңарақларға 5 түптен (алма, ерик, қәрели, шабдал, алмурт) жәми 5430 түп мийўе нәллери тарқатылды.
Буннан тысқары, район аймағында абаданластырыў ҳәм көклемзарластырыў айлығы бағдарында пуқаралар жыйынларында социаллық жәрдемге мүтәж, кем тәмийинленген, жалғыз баслы нураныйлар менен бағыўшысынан айрылған шаңарақлардың жағдайынан хабар алынып, үй қапталы ҳәм қыйтақ жерлери тазаланып егиске таярланып, мийўе нәллери менен декоратив тереклер отырғызыў илажлары алып барылмақта. Бул ҳаққында район ҳәкимлиги хабар бермекте.
