Қанлыкөлде инкубаторда таўық, үйрек, бөдене шөжелерин шығарыў жолға қойылды
Қанлыкөл районы «Қосжап» аўыл пуқаралар жыйыны аймағында жайласқан «Нурқасым Нуржанов» фермер хожалығы тәрепинен жәми 50 миллион сўм қаржы ажыратылып, 36 мың дана шөже шығарыў қуўатлылығына ийе инкубатор иске түсирилген еди, деп хабар бермекте Қанлыкөл районы ҳәкимлиги. Усы жылдың сентябрь айында 5000 дана шөжелер район аймағындағы халыққа арзан баҳада жеткерип берилмекте.
Соның менен бирге қусшылыққа арналған бул хожалықта ҳәзирги күнде инкубатордан 2 мың дана бөдене, 2 мың дана үйрек шөжеси шығарылды. Фермер хожалықта 2 адам жумыс тәмийинленди.
