«Jalǵızımsań, muqaddes Watan» tańlawınıń jeńimpazları anıqlandı
Derek: kknews.uz
Ўатанды улығлайтуғын, ар-намыс, қәдир-қымбат, мақтаныш сыяқлы жоқары пазыйлетлер шеберлик пенен атқарылған ең жақсы қосықларды ҳәм олардың атқарыўшыларын таңлап алыўға арналған «Жалғызымсаң, муқаддес Ўатан!» таңлаўының Қарақалпақстан Республикалық басқышы болып өтти.
Таңлаўда қосық текстиниң оригиналлығы, тәсиршеңлиги, мазмуны, намасының жаңалығы, атқарыўшының сахнада өзин тута билиўи итибарға алынды. Таңлаў жуўмағына бола, биринши орынды Нөкис қаласынан Х.Атамуратов ҳәм Н.Мухаммадияровлар жеңип алды. Екинши орынға Төрткүл районынан Д.Әўезов, Шымбай районынан С.Тилеўмуратов ылайық деп табылды. Буннан тысқары алты атқарыўшыға Қарақалпақстан Республикасы Мәденият министрлигиниң Ҳүрмет жарлығы тапсырылды.
Таңлаўда биринши ҳәм екинши орынды алған қатнасыўшылар Ташкент қаласында өткерилетуғын үшинши басқышта қатнасады. Таңлаўда ең жақсы деп табылған қосықлар Өзбекстан Республикасы мәмлекетлик ғәрезсизлигине бағышланып Ташкент қаласында, Қарақалпақстан Республикасы ҳәм ўәлаятларда өткерилетуғын байрам салтанатларында атқарылады.
