Ибадуллаева Злыйха докладчик
2019-жылдың июнь-июль айларында Орайлық Азияның 25 – 15 жастан 17 жасқа шекем болған мектеп, лицей, колледж оқыўшы қызлары "TechGirls" жойбары шеңберинде АҚШда кибер қәўипсизлик ҳәм кодлаў темаларын үйрениў имканиятына ийе болады. Бул ҳаққында АҚШтың Өзбекстандағы елшиханасы рәсмий сайтында хабар берилди.
2019-жыл бағдарламасында Қазақстан, Қырғызстан, Тәжикстан, Түркменстан ҳәм Өзбекстаннан 25 қыз қатнасады.
"TechGirls" бағдарламасында қызлар қәўипсизлик ҳәм кодлаў темаларындағы көнликпе арттырыў семинарларында қатнасыў ҳәм АҚШтың ең жақсы инновациялық технология қәнигеликлери менен тәжирийбе алмасыў имканына ийе болады. Соның менен бирге Виржиния лагеринде тараў бойынша билим алады.
2012-жылдан баслап өткерип келинетуғын бул жойбарда Алжир, Мысыр, Иордания, Ливия, Ливан, Марокко ҳәм Палестина сыяқлы мәмлекетлерден 181 қыз қатнасып билим алған.
