Хорезмли белсендилер «Аралға жәрдем» акциясын өткерди
Өзбекстан Республикасы Олий Мажлис Нызамшылық палатасы Экоҳәрекет депутатлары топары, Экология ҳәм көршаған орталықты қорғаў мәселелери комитети, Өзбекстан экологиялық ҳәрекети ҳәм Өзбекстан Экологиялық партиясы белсендилери тәрепинен Мойнақ районында «Аралға жәрдем» ураны менен акция өткерилди. Бул ҳаққында «Халқ сўзи онлайн» хабар бермекте. Президент Арал теңизиниң суўсыз аймағында 2019-жылы 500 мың гектар тоғайлық пайда етиў бойынша тапсырма берип, бул ўазыйпаны әмелге асырыў механизмлерин де белгилеп берди.
Хорезм ўәлаятының Бағат районында Найман аўылы турғынлары көмегинде Аралбойы аймағына егиў ушын 200 киломграммға жақын сексеўил туқымы жыйналып, Мойнақ районында тоғайлық пайда етиў бойынша шөлкемлестирилген штабқа жеткерип берилди.
Қәнигелердиң пикиринше, егер сексеўил 3 қатар етип егилсе қум көшиўи 30 процентке иркиледи, 7 қатар етип егилгенде болса бул көрсеткиш 90%ке жетеди. Шөлистанда сексеўил, қандим, черкез сыяқлы өсимликлерден ибарат тоғайлық пайда етиў нәтийжесинде аймақта өзине жараса экосистема пайда болып, климат өзгериўиниң алды алынады.
Хорезм ўәлаятынан келген көмекшилер шөлистанға сексеўил егиў бойынша өткерилген ғалаба илажда қатнасты.
