Футбол бойынша жәҳан чемпионаты кубоги Ташкентке алып келинеди
Футбол бойынша 21-жәҳан чемпионаты 2018-жыл 14-июннан 15-июльға шекем болып өтеди. 6-февраль күни футбол бойынша 2018-жылғы жәҳан чемпионатының кубоги Ташкентке алып келинеди. Бул ҳаққында ФИФАның жәҳан чемпионатына арналған сайтында
хабар берилди. Жәҳан кубоги саяҳаты Россияда болып өтетуғын футбол бойынша жәҳан чемпионаты алдынан өткерилмекте. Кубок саяҳаты даўамында ҳәр бир аймақта социаллық ҳәм спорт илажлары өткерилиўи режелестирилген. Кубок 7-февраль күни Түркменистан пайтахты Ашхабадқа алып кетиледи.
