Франция пуқаралары ушын визасыз режим енгизилди
Өзбекстан Республикасы Президенти Шавкат Мирзиёевтиң пәрманына тийкарланып 2018-жылдың 5-октябринен Франция пуқаралары Өзбекстанға виза рәсмийлестирместен келиўи мүмкин.
Президенттиң бул бойынша пәрманы усы жылдың 4-октябринде тастыйықланды. Бул ҳаққында Мәмлекет туризм комитети баспасөз хызмети хабар берди.
Бул ҳүжжет мәмлекеттиң туристлик қәбилети, Өзбекстан ҳәм Франция ортасындағы мәдений, илимий, билимлендириў ҳәм халық аралық қатнасықлар тараўындағы шерикшиликти раўажландырыў мақсетинде қабылланған. Пәрман 2018-жыл 5-октябрьден күшке кирди.