Фото: Нөкисте жаңа Автовокзал иске түсти
Нөкис қаласы Жийдели байсын елатында жаңа автовокзал иске түсти. Жаңа автовокзалда республикамыздың батыс районларына 27 жөнелисте, қала ишинде 5 жөнелисте жолаўшы тасыўшы трансрортлар хызмет көрсетпекте. Және автовокзал имараты ишинде аналар ҳәм балалар ханасы, транспорт шофёрлары ханасы ҳәм жолаўшылардың транспортларды күтиў ушын автовокзал ишинде ҳәм сыртында орынлар ажыратылған.
- Қурылыс жумыслары ушын жеке исбилермен тәрепинен 600 млн, банк кредит тийкарында 500 млн сум қаржы ажыратылған. Автовокзалда 10 адам жумыс пенен тәмийинленген. Сондай-ақ, автовокзал ишинде жолаўшылар ушын азық-аўқат дүканлары ҳәм аўқатланыў орынлары ажыратылған, - дейди «Мега АвтоСтар» ЖШЖ қараслы Автовокзал директоры Азамат Алланов.
Парахат Ажимуратов
