Әскерий хызметкерлерге турақ жайлар тапсырылды
Коңырат районындағы Ақшолақ посёлкасы пуқаралар жыйынындағы әскерий хызметкерлерге жаңадан қурып питкерилген көп қабатлы турақ-жайлар тапсырылды, деп
хабар берди Қарақалпақстан хабар агентлиги.
Әскерий хызметкерлерге турақ жайлардың гилти салтанатлы түрде тапсырылды. Жыйналған кең жәмийетшилик турақ жайларды көзден өткерип, онда жаратылған шараятлар менен танысты. Усы жылдың өзинде елимиздиң барлық аймақларында әскерий хызметкерлердиң шаңарақлары ушын оларға жеңилликли ипотека кредитлерин бериў жолы арқалы үш қабатлы 56 турақ жай қурыў белгиленген.