Елликқалада аянышлы ҳәдийсе: төрт адам тирилей жанып кетти
2018-жыл 20-декабрь күни Елликқала районының Сарбий АПЖда жайласқан үйде жасаған пуқара С.Бның үйинде өрт болған. Бул ҳаққында «Халқ сўзи» хабар берди.
Өрт өшириў ўақтында үйдиң ишинен үй ийелеринен төрт адамның күйген жағдайдағы өли денеси табылған. Ҳәзирги ўақытта өрттиң келип шығыў себеплери анықланбақта, делинген хабарда.
Өрт нәтйижесинде үйдиң 165 кв.метр там басы, үй мебеллери ҳәм ВАЗ 2106 Жигули маркалы машина жанып кеткен. Өртке 4 өрт өшириў экипажы тартылған.
Өрт қәўипсизлиги басқармасының берген хабарына қарағанда, өрттиң келип шығыў себеби морының насаз болып ҳәдден тыс қызып кетиўинен келип шыққан - makan.uz.
