Электрон санлы имза «Бир айна»дан бериледи
Министрлер Кабинетиниң 2017-жыл октябрьдеги 864-санлы қарарына тийкарланып Исбилерменлик субъектлерине «Бир айна» принципи тийкарында мәмлекетлик хызметлерди көрсетиў орайлары арқалы көрсетилетуғын мәмлекет хызметлери дизимине электрон санлы имза сертификатын бериў хызмети қосылды.
Енди исбилерменлик субъектлерине электрон санлы имза сертификатын бериў Әдиллик органларының «Бир айна» орайлары арқалы әмелге асырылады. Бул болса ең алды менен исбилерменлердиң ўақтын ҳәм қәрежетин үнемлейди. Бул электрон санлы имзадан исбилерменлер мәмлекет ҳәм хожалық басқарыўы органлары, жергиликли мәмлекетлик ҳәкимият органлары ҳәм коммерциялық банклер тәрепинен көрсетилетуғын барлық түрдеги хызметлерден пайдаланыўда қолланады, деп хабар бермекте Даракчи.
