Birinshi márte «Men avtorman» tańlawı ótkerildi
Derek: kknews.uz
Ўатанды, ата-ананы улығлайтуғын, балалық мәўритлер, ар-намыс, қәдир-қымбат, мақтаныш сыяқлы жоқары пазыйлетлер шеберлик пенен жазылған ең жақсы қосықларды, жас шайыр ҳәм жазыўшыларды таңлап алыўға арналған «Мен авторман» таңлаўының Қарақалпақстан Республикалық басқышы болып өтти.
Өткерилген таңлаўда қатнасыўшылардың бир топары тақмақлар айтысып беллескен болса, басқалары «Ўатан», «Балалық», «Ата-ана» темалары бойынша қосық жазды.
Онда районлараралық беллесиўлерде жеңиске ерискен 16 районнан келген 32 оқыўшы өз-ара беллести.
Таңлаў жуўмағында жеңимпазларға ҳәм номинациялар бойынша анықланған сыйлы орын ийелерине Қарақалпақстан Республикасы Халық билимлендириў министрлиги тәрепинен таярланған диплом ҳәм естелик саўғалары тапсырылды.