АҚШ Өзбекстанда инглиз тили бойынша билимлендириў бағдарламаларын әмелге асырыўда көмек береди
АҚШ Президенти Дональд Трамп 16-май күни Өзбекстан Республикасы Президенти Шавкат Мирзиёев пенен ушырасыў ўақтында Америка Өзбекстанда инглиз тили бойынша билимлендириў бағдарламаларын әмелге асырыўда көмек бериўге таяр екенин айтты. Бул ҳаққында Өзбекстан Республикасы Президентиниң баспасөз хызмети хабар бермекте.
«… Президент Дональд Трамп АҚШ Өзбекстанда инглиз тили бойынша билимлендириў бағдарламаларын әмелге асырыўда көмек көрсетиўге таяр екенин айтты ҳәм «Америка ҳаўазы»ның Өзбекстанда аккредитация етилгени ҳәм оның Америка ғалаба хабар қураллары ушын бул мәмлекетте кең имканиятлар жаратыўын жоқары баҳалады», - делинген хабарда.
Еслетип өтемиз, алдынырақ Тил үйрениў ҳәм билимлендириўдеги шериклик Америка Кеңеслери (ACCELS/ The American Councils for Collaboration in Education and Language Study) халық аралық шөлкеми Өзбекстанда искерлигин баслаў ушын Әдиллик министрлигине мүрәжат еткенин kun.uz хабар берген еди.