2019-жылдан баслап пенсия төлеминиң жоқары шегарасы көтериледи
Ислеп атырған пенсионерлерге келеси жылдан пенсиялар толық муғдарда төленеди. Бул ҳаққында Президент Шавкат Мирзиёев мәлим етти.
«Конституциямызда халықтың әҳмийетли социаллық ҳуқықы сыпатында кепилленген пенсия тәмийнаты келеси жылларда да ең әҳмийетли мәселелерден бири болып қалады», - деп атап өтти мәмлекет басшысы.
Президент қосымша етиўинше, 2019-жылдан баслап пенсия төлеминиң жоқары шегарасы ең кем айлық ис ҳақысының 8 есесинен 10 есесине шекем көтериледи ҳәм ислеп атырған пенсионерлерге пенсиялар толық муғдарда төленеди.
Ислеп атырған пенсионерлерге пенсияны толық муғдарда төлеўди нәзерде тутыўшы ҳүжжетлер жойбары усы жылы бир неше мәрте жәрияланды, бирақ олар қабылланғаны ҳаққында хабар берилмеди, деп жазады kun.uz.
