20:0: Футбол бойынша Өзбекстан U-19 қызлар командасы Мальдив атаўлары сайланды командасын усы есапта утты
Өзбекстан 19 жасқа шекемги қызлар сайланды командасы Қырғызстанның Бишкек қаласында өткерилген Азия чемпионаты сайлаў ойынында табыслы қатнасып, топарда биринши орынды ийеледи. Бул ҳаққында ЎзА хабар берди.
Карима Йўлдошева шәкиртлери Гуам, Мальдив атаўлары, Бирлескен араб әмирликлери ҳәм Қырғызстан сайланды командалары менен бир топарда ойнады.
Қызларымыз Гуам комнадасын 8:0, Мальдив атаўларын 20:0, Бирлескен араб әмирликлери ҳәм Қырғызстан командасының қызларын 3:1 есабында жеңди. Екинши басқыш сайлаў ойынлары келеси жыл бәҳәрде болып өтеди.
