123 шебер қоллардың бәнтлиги тәмийинленди
Беруний районында «Беруний чеварлари» жуўапкершилиги шекленген жәмийети жумыс баслады. Әҳмийетлиси онда жергиликли 123 ҳаял-қызлардың бәнтлиги тәмийинленди.
Жәмийет ҳәзир ўақытта елимиздиң мектепке шекемги билимлендириў мәкемелери тәрбияланыўшылары ҳәм мектеп оқыўшылары сондай-ақ, басқа да кәрхана-шөлкемлер ушын арнаўлы кийим-кеншеклер тигиў жумысларын алып бармақта.
– Келешекте кәрханамыздың жумысын буннан былай да жетилистириў ҳәм усы тийкарда және де көбирек жумыс орынларын жаратыў сондай-ақ, өнимлеримизди шет елге экспорт етиўди режелестиргенбиз, – дейди жәмийеттиң ис басқарыўшысы Набира Қурбанбаева.
Кәрхананың ашылыў мәресиминде Өзбекистан Республикасы Президентиниң Мәмлекетлик кеңесгөйи Т.Худайбергенов ҳәм Қарақалпақстан Республикасы Жоқарғы Кеңесиниң Баслығы М.Ерниязов қатнасты.
