Япония Өзбекистанға насос үскенесин тапсырды
13-январь күни Япония халық аралық агентлиги (JICA), Torishima Pump Mfg. Co., Ltd. Компаниясы (Япония), сондай-ақ, Өзбекистан аўыл ҳәм суў хожалығы министрлиги насос үскенесин тапсырыў бойынша рәсмий мәресим өткерди,
деп жазады UzDaily.
Үскене Японияның суў ресурсларынан пайдаланыўда алдағы насос технологияларынан пайдаланыў тараўындағы табыслы тәжирийбесин үйрениў ҳәм тарқатыў мәселелери бойынша шериклик бағдарламасын әмелге асырыў шеңберинде тапсырылды.
Бул жойбар Япония ҳүкиметиниң рәсмий раўажланыў көмеги бағдарламасы есабынан қаржыландырылды.
JICA тәрепинен усынылған насос үскенеси Ташкент ўәлаятындағы 250 гектар жер майданында энергия тутыныўы нәтийжесин жақсылаўы ҳәм кепилликли суў тәмийнатын тәмийинлеўи атап өтилди.
