Шымбайда жынаятшылықтың алдын алыўға арналган жыйналыс өткерилди
Шымбай районда ҳəр ҳəптениң пийшембиси — профилактика күни деп белгилениў мүнəсибети менен орынларда ҳуқық-қорғаў уйымы хызметкерлериниң пуқаралар менен ушырасыўлары болып өтпекте, деп
хабар бермекте Район ҳәкимлигиниң рәсмий сайты.
Усыған байланыслы илаж Шымбай районындағы академиялық лицейде болып өтти. Онда тийкарынан Əмиўдəрья районында жүз берген жол транспорт ҳəдийселериниң ақыбетлери, сондай-ақ, пуқаралар арасында бундай ҳəдиселердиң алдын алыў кереклиги, аймақларда тынышлықты тəмийинлеў бағдарында ислениўи тийис болған жумыслар, нызамсыз ис-ҳəрекетлердиң алдын алыў, пуқаралардың ҳуқықый билимин жетилистирип барыў зəрүрлиги ҳаққында айтып өтилди.
