Shımbay hákimi jaslar menen ushırastı
Derek: karakalpakstan.uz
Бүгин Шымбай районы ҳәкими Полат Ещанов «Кеңес» ҳәм «Таза жол» аўыл пуқаралар жыйыны аймағында жаслар менен ушырасты.
«Кеңес» аўылында жайласқан 9-санлы улыўма билим бериў мектебинде өткерилген ушырасыўда аймақтың бәнт болмаған жаслары, сондай-ақ мектеп оқыўшылары ҳәм белсенди жаслар қатнасты.
Район ҳәкими мектептиң спорт бойынша мәҳәлле жасларына жаратылған шараятлары менен танысты, олар ушын бир қанша спорт инвентарларын саўға етти.
Ушырасыў барысында жумыссыз пуқара Гүлзира Байназарова сол ўақыттың өзинде 30-санлы мектепке жумысқа қабылланды. Ушырасыў даўамында бир қатар жаслар өзлериниң бағшылық тараўы бойынша, спорт тараўы бойынша билдирилген усынысларына жуўаплар алды.